ចីរភាព
មានលទ្ធភាពមួយចំពោះការទទួលបាននិរន្ដរភាព តាមរយៈការប្រមូលកម្លាំងរួមគ្នារវាងបច្ចេកទេសកសិកម្ម និង សមាសធាតុផ្សេងៗទៀតរបស់គំរោង ដូចជា កម្មសិទ្ធិដីធ្លី អត្ថិភាពនៃឥណទាន និងធារាសាស្ដ្រដែលបានស្ដារឡើងវិញ។ តាម កាលវិភាគពេលវេលារបស់គំរោងបច្ចុប្បន្ន វាមិនទំនងដែលថា ការរួមកម្លាំងបញ្ចូលគ្នានេះ អាចនឹងធ្វើទៅ បានក្នុងកំឡុងពេល នៃអាយុកាលរបស់គំរោងអេកូសន។ ថ្នាក់ដឹកនាំគំរោងត្រូវគិតគូរបន្ថែមទៀត អំពីវិធីដែលការផ្សព្វផ្សាយ កសិកម្មនឹងបន្ដនៅ ពេលអនាគត ដើម្បីលើកទឹកចិត្ដឱ្យមានការទទួលយក អនុវត្ដទូលំទូ លាយនូវ បច្ចេកទេសកសិកម្មដែលបានណែនាំ អំពីវិធី ដែល ក្រុមសហគមន៍មូលដ្ឋាន (CBOs) ពិសេសក្រុមកសិករគំរូ នឹងមានជាគ្រឿង លើកទឹកចិត្ដខ្លះដើម្បីស្ថិតនៅជាក្រុមជាបន្ដ និងពីវិធីដែលប្រតិបត្ដិការ និងការថែទាំប្រព័ន្ធធារាសាស្ដ្រ ត្រូវបានពង្រឹងដើម្បីរក្សាបាននូវអត្ថប្រយោជន៍ក្នុងពេលអនាគត។ ឯកសារបច្ចុប្បន្នស្ដីអំពីយុទ្ធសាស្ដ្រផ្ទេរភាពជាម្ចាស់ មិនបានបង្ហាញឱ្យឃើញនូវកង្វល់ទាំងអស់នេះទេ។
សិស្សដែលទទួលបានការបណ្ដុះបណ្ដាលវិជ្ជាជីវៈ ការបណ្ដុះបណ្ដាលកែច្នៃត្រី និងផលិតកម្មសូត្រ នឹងយកចំណេះ ទាំង នេះទៅប្រើប្រាស់។ អ្នកទទួលការPRASAC បានចាប់ផ្ដើមដំណើរការនៃការពង្រីក តំបន់សេវាកម្មរបស់ខ្លួន។ នៅតំបន់ជនបទ (មិនដាច់ស្រយាលពេក) នឹងទទួលបាននូវអត្ថប្រយោជន៍ពីសេវាកម្មឥណទាននេះ។ អ្នកទទួលផលផ្ទាល់ ជាពិសេស កសិករគំរូ ទទួលបាននូវការគាំទ្រច្រើនផ្នែកពីគំរោង ប៉ុន្ដែជាបទពិសោធន៍នៅប្រទេសផ្សេងៗគឺថា ក្រុមកសិករទាំងនោះ ត្រូវ ការការគាំទ្រជាបន្ដ ប្រសិនបើពួកគេនឹងបន្ដសកម្មភាព និងថ្កុំថ្កើងបន្ទាប់ពីគំរោងបញ្ចប់។ មួយចំណែកទៀត បទពិសោធន៍ និងជំនាញដែលគណៈកម្មការសម្របសម្រួល (LIPs) ទទួលបាន អាចចូលរួមចំណែកដល់ភូមិ និងក្រុមប្រឹក្សាឃុំ។
ការថែទាំប្រព័ន្ធស្រោចស្រព គួរតែស្ថិតនៅក្នុងរង្វង់សមត្ថភាពរបស់ក្រុមកសិករប្រើប្រាស់ទឹក ប្រសិនបើពួក គេអាច បង្កើតចំណូលពីថ្លៃប្រើប្រាស់ទឹក។ ប៉ុន្ដែ វគ្គបណ្ដុះបណ្ដាលពីប្រតិបត្ដិការ និងការថែទាំដល់ក្រុមកសិករ អ្នកប្រើប្រាស់ទឹក (FWUC) អាចធ្វើ បានតែនៅរដូវដាំដុះចុងក្រោយនៃពេលវេលាគំរោង ដែលជាការផ្ដល់នូវពេល វេលាតិចតួច ដើម្បីនី តិវិធី និងការអនុវត្ដនានា បានជ្រួតជ្រាប។ ជាជម្រើសដែលល្អបំផុត ក្រុមអនុវត្ដគំរោងគ្រោង នឹងប្រគល់ផ្លូវថ្នល់ដែល សាងសង់រួចរាល់ទៅឱ្យក្រុមប្រឹក្សា ឃុំ។ សម្រាប់រយៈពេលវែង ក្រុមប្រឹក្សាឃុំដែលបាន ពង្រឹងសមត្ថភាពរួចហើយ អាចបង្កើននូវសមត្ថភាពថែទាំផ្លូវថ្នល់បាន ប៉ុន្ដែ ការជួសជុលមិនបានគ្រប់គ្រាន់ អាចនឹងកើតមាន ឡើងក្នុងរង្វង់ពី ៥ ទៅ ១០ឆ្នាំ។ដីដែលផ្ដល់កម្មសិទ្ធិរួចរក្សាបានជាជាដីមានកម្មសិទ្ធជាអចិន្ដ្រៃយ៍ ហើយដីដែលបោសសម្អាតមីនរួច ក៏គឺជាដី ដែលគ្មានមីនជាអចិន្ដ្រៃយ៍។ និរន្ដរភាពនៃផលប៉ះពាល់ដែលរំពឹងទុក ពីការផ្ដល់កម្មសិទ្ធិដីធ្លី និងការបោសសម្អាតមីន ដូចជា ការ បង្កើនផលិតភាពនៃដី គឺអាស្រ័យទៅលើកសិករមានកម្លាំងពលកម្ម និងធនធានសម្រាប់ផលិតកម្ម រួមទាំងការ ផ្សព្វផ្សាយ កសិកម្មផងដែរ។ និរន្ដរភាពឆ្ពោះទៅសម្រេចគោលបំណង គឺអាស្រ័យលើក្រុមផ្សេងៗ ទៀតរបស់គំរោង។
|
