មួយក្រឡេកអំពីគំរោងអេកូសន
សេចក្តីផ្តើម
“គម្រោងស្តារឡើងវិញ លើវិស័យសេដ្ឋកិច្ច និងសង្គមកិច្ច នៅបណ្តាខេត្តនៃតំបន់ពាយ័ព្យ” ហៅកាត់ថា
“អេកូសន” គឺជាគម្រោងអភិវឌ្ឍន៍ជនបទចម្រុះឧបត្ថម្ភថវិកាដោយសហភាពអឺរ៉ុប (២៥ លានអឺរ៉ូ) និងរាជរដ្ឋាភិបាលកម្ពុជា (១ លានអឺរ៉ូ) តាមរយៈកិច្ចព្រមព្រៀងហិរញ្ញវត្ថុលេខ KHM/AIDCO/2004/16793។ គម្រោងនេះ មានរយៈពេល ៥ឆ្នាំ (២០០៦-២០១០) អនុវត្តនៅក្នុងខេត្តគោលដៅចំនួន៣ គឺខេត្តសៀមរាប ខេត្តបន្ទាយមានជ័យ និងខេត្តបាត់តំបង ដែលមាន ការិយាល័យកណ្តាលនៅសៀមរាប ការិយាល័យអនុវត្តគម្រោងនៅបណ្តាខេត្តផ្សេងទៀត និងការិយាល័យសម្របសម្រួល គម្រោងប្រចាំរាជធានីភ្នំពេញ។
គម្រោងអេកូសនប្រតិបតិ្តដោយក្រសួងកសិកម្ម រុក្ខាប្រមាញ់និងនេសាទ សហការជាមួយស្ថប័នពាក់ព័ន្ធមួយចំនួនទៀតគឺ ក្រសួងមហាផ្ទៃ ក្រសួងអភិវឌ្ឍន៍ជនបទ ក្រសួងធនធានទឹកនិងឧតុនិយម ក្រសួងកិច្ចការនារី និងក្រសួងរៀបចំ ដែនដីនគរូបនីយកម្មនិងសំណង់។
គោលដៅរួមរបស់គម្រោងអេកូសន គឺរួមចំណែកកាត់បន្ថយភាពក្រីក្រ តាមរយៈបង្កើនប្រាក់ចំណូលតាមគ្រួសារ ជាពិសេស បង្កើនផលិតភាពក្នុងវិស័យកសិកម្ម និងពង្រឹងអំណាចដល់សហគមន៍មូលដ្ឋាន នៅក្នុងខេត្តគោលដៅទាំងបីដែលមាន ប្រជាជនក្រីក្រចំនួន ៩០% រស់នៅតំបន់ជនបទហើយ ៤៤% នៃគ្រួសារកសិករទាំងនោះមានប្រភពចំណូលចម្បងពីកសិកម្ម និងរស់នៅក្រោមបន្ទាត់ក្រីក្រ។ គោលដៅគម្រោងអេកូសន គឺអភិវឌ្ឍន៍វិស័យសេដ្ឋកិច្ច និងសង្គមកិច្ចដល់កិសករតូចតាច និងគ្រួសាររបស់គេ ដែលរស់នៅក្នុងតំបន់គោលដៅរបស់គម្រោង ដោយធានានូវសមធម៌រវាងនារី និងបុរស។
សមិទ្ធផលសម្រេចបានរបស់គម្រោង
សមិទ្ធផលសម្រេចបានធៀបនឹងគោលដៅគម្រោង
គម្រោងអេកូសនបានចាប់ផ្តើមដំណើរការនាខែធ្នូ ឆ្នាំ២០០៥ ហើយចាប់អនុវត្តសកម្មភាពដំបូងនៅសហគមន៍មូលដ្ឋាន នៅពាក់កណ្តាលឆ្នាំ ២០០៦ តាមរយៈគម្រោងខ្នាតតូចមានឈ្មោះថា “គម្រោងឆាប់ទទួលផល”។ ការអនុវត្តនូវគម្រោង ទាំងនោះមានគោលបំណងពីរ គឺបម្រើជាវិធានការលើកកម្ពស់ភាពជឿជាក់ក្នុងការអនុវត្តសកម្មភាពជួយដល់ អ្នកភូមិ និងភ្នាក់ងាររាជរដ្ឋាភិបាល និងការកសាងសមត្ថភាពអនុវត្តជាក់ស្តែងដល់បុគ្គលិកគម្រោងផងដែរ។
បន្ទាប់ពីកាលបរិច្ឆេទចុងក្រោយនៃការចុះហត្ថលេខាលើកិច្ចសន្យាទាំងអស់ នៅថ្ងៃ១៦ ខែវិច្ឆិកា ឆ្នាំ២០០៧ គម្រោងបាន ចុះកិច្ចសន្យាជាមួយអ្នកម៉ៅការនានាក្នុងទឹកប្រាក់ ២៤/៥ លានអឺរ៉ូ (៩៤/១%) នៃថវិការសន្យាសរុបរបស់សហភាពអឺរ៉ុប (២៥ លានអឺរ៉ូ)។ ក្នុងនោះមានកិច្ចសន្យាខ្នាតធំចំនួន៤៤ (ចុះហត្ថលេខា ដោយគណៈប្រតិភូសហភាពអឺរ៉ុប) និង កិច្ចសន្យាខ្នាតតូចចំនួន១៨៧ (ចុះហត្ថលេខាដោយក្រុមអនុវត្តគម្រោង)។
ចាប់តាំងពីឆ្នាំ ២០០៨ គម្រោងបានពង្រីកសកម្មភាពនៅសហគមន៍មូលដ្ឋានគួរឲ្យកត់សម្គាល់ និងសម្រេចបានសមិទ្ធផល រូបវ័ន្តសរុបលើសពី ១០០% នៃលទ្ធផលដែលបានរំពឹងទុកនៅក្នុងកិច្ចសន្យាទាំងអស់ ប៉ុនែ្តការងារស្តាឡើងវិញ នូវប្រព័ន្ធធារាសាស្រ្ត និងលទ្ធផលជាក់លាក់មួយចំនួនទៀត (ឧ>ចំនួនអ្នកទទួលផលនៅក្នុងក្រុមសន្សំប្រាក់) នៅតែមានកម្រិត ទាបជាងលទ្ធផលរំពឹងទុក។ គិតត្រឹមចុងខែតុលា ឆ្នាំ២០១០ លទ្ធផលដែលអាចសម្រេចបានពី គ្រប់កិច្ចសន្យាទាំងអស់បានចប់ជាស្ថាពរ លើកលែងតែកិច្ចសន្យាមួយផ្នែកបណ្តុះបណ្តាលវិជ្ជាជីវៈ ដែលមានរយៈពេល អនុវត្តរហូតដល់ថ្ងៃទី១២ ខែធ្នូ ឆ្នាំ២០១០ ហើយលទ្ធផលរូបវ័ន្តនៃកិច្ចសន្យានេះនឹងសម្រេចបានតាមការគ្រោង។
លទ្ធផលសម្រេចបានធៀបនឹងគោលបំណងរួមរបស់គម្រោង
(ការកាត់បន្ថយភាពក្រីក្រ)៖
ការធ្វើអង្កេតមូលដ្ឋាននៅខែសីហា ឆ្នាំ២០១០ បានបង្ហាញថា ៤០% នៃគ្រួសារកសិករនៅក្នុងភូមិគោលដៅ បានរួចផុតពី បន្ទាត់ភាពក្រីក្រ (០/៣៩% ដុល្លា/ម្នាក់/ថ្ងៃ) ដែលក្នុងនោះគម្រោងអេកូសនចូលរួមចំណែកក្នុងការកាត់បន្ថយភាពក្រីក្រ បានចំនួន ១១%។ គម្រោងអេកូសនមានផលប៉ះពាល់វិជ្ជមានទៅលើការកាត់បន្ថយភាពក្រីក្រ ក្នុងចំណោមកសិករទទួល ផលផ្ទាល់ចំនួន ១>៨០០នាក់ ដែលជួយកាត់បន្ថយភាពក្រីក្រ ក្នុងចំណោមកសិករ ផ្ទាល់ទាំងនេះបានរហូតដល់ ២១%។ ការអង្កេតនេះក៏បានរកឃើញបន្ថែមទៀតថាមានគ្រួសារប្រមាណ ៥០% នៅក្នុងភូមិគោលដៅមានកំណើនប្រាក់ចំណូល ក្នុងគ្រួសារ។
សមិទ្ធផលសម្រេចបានធៀបនឹងគោលបំណោលគម្រោង (ការអភិវឌ្ឍសេដ្ឋកិច្ច និងសង្គមកិច្ច)៖
សន្តិសុខស្រូវអង្ករសម្រេចបាន ៥២% (ផែនការគម្រោង ៥០%) នៃគ្រួសារកសិករទាំងអស់ មានស្រូវអង្ករហូបគ្រប់គ្រាន់ ធៀបទៅនឹងទិន្នន័យមូលដ្ឋានឆ្នាំ ២០០៦ ដែលគ្រួសារមានស្រូវអង្ករហូបគ្រប់គ្រាន់តែ២៩%។ រយៈពេលខ្វះខាត ស្រូវអង្ករជាមធ្យមត្រូវបានកាត់បន្ថយ ពី ៤ខែ មកត្រឹម ២/៤ខែ។ ប្រជាពលរដ្ឋចំនួន ៨៨% ដែលបានសម្ភាសន៍បញ្ជាក់ឲ្យដឹងថា មានការរីចម្រើនគួរឲ្យកត់សម្គាល់នូវការចូលរួមពាក់ព័ន្ធនឹងបញ្ហារបស់សហគមន៍ (ការពង្រឹងអំណាចដល់សហគមន៍) ហើយចំនួនស្រ្តីត្រូវបានពិគ្រោះយោបល់ក្នុងកិច្ចអភិវឌ្ឍសហគមន៍ (សមភាពយេនឌ័រ) មានការកើនឡើងទ្វេដង (៦១% ធៀបនឹង ៣៣% នៅក្នុងទិន្នន័យអង្កេតមូលដ្ឋានឆ្នាំ២០០៦)។ មានកំណើនចំនួន ២៣% នៃគ្រួសារដែលមានទស្សនៈវិស័យវិជ្ជមានកាន់តែប្រសើរ ចំពោះអនាគតរបស់ពួកគេ (ឆ្នាំ២០០៦³ ១១/៦% ឆ្នាំ២០១០³ ៣៤/៩%)។ ប៉ុន្តែ ចំណាកស្រុកតាមរដូវកាលមានការកើនឡើងគួរឲ្យកត់សម្គាល់ រយៈកាល ២ឆ្នាំចុងក្រោយនេះ ពី ៣០% ទៅ ៤២% ដោយសារវិបតិ្តសេដ្ឋកិច្ចពិភពលោក និងខ្យល់ព្យុះកេតសាណា។ ការវិភាគបន្ថែមបន្ទាប់ពីឆ្នាំ២០១០ គឺជាការចាំបាច់ ដើម្បីស្វែងយល់កាន់តែច្បាស់ អំពីបែបបទនៃការអភិវឌ្ឍជនបទនេះ។
លទ្ធផល ១-ការអភិវឌ្ឍសេដ្ឋកិច្ចតាមរយៈការបង្កើនផលិតកម្មកសិកម្ម៖
គោលដៅរូបវ័ន្តនានាដើម្បីធ្វើឲ្យកាន់តែប្រសើរឡើងនូវបុរេលក្ខណៈសម្រាប់ផលិតកម្មកសិកម្ម (ការផ្តល់ប័ណ្ណកម្មសិទ្ធដីធ្លី ការទទួលបានឥណទាន ការផ្គត់ផ្គង់ពូជស្រូវមានគុណភាពល្អ និងសម្ភារៈផលិតកម្មដ៏ទៃទៀត និងវគ្គបណ្តុះបណ្តាល) គឺសម្រេចបានក្នុងកិច្ចសន្យាដែលពាក់ព័ន្ធទាំងអស់។ ប្រសិទ្ធភាពរបស់គម្រោងចំពោះ ប្រពលវប្បកម្ម និងពិពិធកម្មកសិកម្ម គឺកំណើនផលិតកម្មស្រូវ ៨០% ឬកំណើនស្រូវ ១៦៣៩តោន ក្នុងមួយឆ្នាំ នៅក្នុងភូមិគោលដៅទាំង ៩០។ កំណើនផលិតកម្មត្រី ៣៤តោន។ ក្នុងនោះ ផលិតកម្មក៏បានកើនឡើងផងដែរ (គោ ៩% ជ្រូក ៦% មាន់ ៦% ទា ០/១២%៥) ហើយជាមធ្យមអត្រាភាពរស់របស់សត្វកើនឡើងប្រហែល ៤០%។ ផ្ទៃដីដាំបន្លែត្រូវបានពង្រីកពី ១៩ ហត ទៅ ២៦ ហត ហើយផលិតកម្មដំណាំសំខាន់ៗកើនឡើងពី ៣៨% ទៅ ១៣៩%។ ប័ណ្ណកម្មសិទ្ធដីធ្លីចំនួន ៤២២១៤ ក្បាលដីត្រូវបានប្រគល់ដល់គ្រួសារកសិករចំនួន ១១៦៩៧ គ្រួសារ។ អ្នកទទួលផលប្រមាណ ៣០% បានបញ្ជាក់ថា ពួកគាត់នឹងប្រើប្រាស់ប័ណ្ណទាំងនេះជារបស់បញ្ចាំ ដើម្បីបានកម្ចីសម្រាប់ពង្រីកផលិតភាពកសិកម្ម។ សេវាកម្មឥណទាន សម្រេចបានអតិថិជនចំនួន ១១០០០ នាក់ នៅក្នុងភូមិគោលដៅដែលក្នុងនោះ ៨៤% នៃកម្ចីគឺដើម្បីប្រើប្រាស់ ក្នុងការងារកសិកម្ម។
លទ្ធផល ២-ការអភិវឌ្ឍសេដ្ឋកិច្ចតាមរយៈសកម្មភាពផលិតផលបន្ថែមតម្លៃ/សកម្មភាពក្រៅ
កសិកម្ម៖
សូចនាកររបស់កិច្ចសន្យានានាស្ថិតក្រោមលទ្ធផលនេះ (ការកែច្នៃត្រី ផលិកម្មសូត្រ និងការបណ្តុះបណ្តាលវិជ្ជាជីវៈ) សម្រេចបានទាំងស្រុង។ ការបង្កើតទំនាក់ទំនងទីផ្សារបានធ្វើឲ្យតម្លៃផលិតផលកសិកម្មកើនឡើង និងកាន់តែមានស្ថេរភាព។ កសិករត្រូវបានចងក្រងជាក្រុម នៅតាមភូមិនីមួយៗ ដូចនេះ ពួកគាត់អាចពិភាក្សា និងចែករំលែកព័ត៌ទីផ្សារ។ គម្រោងអេកូសនចូលរួមបន្ថែមតម្លៃ (Value-added) ប្រមាណ ៥០% ឲ្យផលិផលកសិកម្មជាពិសេសបន្លែ។ នៅឆ្នាំ២០០៩ ត្រី ៩២០០ គក ត្រូវបានកែច្នៃ ដោយក្រុមធ្វើបង្ហាញតាមភូមិគោលដៅ ដើម្បីបរិភោគក្នុងគ្រួសារ និងសម្រាប់លក់។ សមាជិកក្រុមធ្វើបង្ហាញនីមួយៗទទួលបានកម្រៃពី ១០ ទៅ ៣០ ដុល្លា ពីការលក់ផលិតផលកែច្នៃ ទាំងនេះបន្ថែមពីលើចំណូលប្រចាំគ្រួសាររបស់ពួកគាត់។ ក្រុមអ្នកផលិសូត្រចំនួន ១៩ ត្រូវបានបង្កើតឡើង បន្ទាប់ពីទទួលបានការបណ្តុះបណ្តាលបច្ចេកទេស ហើយសម្ភារៈផលិតកម្មត្រូវបានប្រគល់ជូលសមាជិកក្រុមចំនួន ៤៧៨ នាក់។ ផលប៉ះពាល់ផ្នែកសេដ្ឋកិច្ចត្រូវបានបង្ហាញឲ្យឃើញដោយអ្នកទទួលផលអាចទទួលបានចំណូល ២៧០០០ ដុល្លា ពីផលិតកម្មសរសៃសូត្រមាស និង២៤០០០ ដុល្លា ពីការត្បាញសូត្រ។ ផលិតភាពសូត្របានកើនឡើង (ឧ>សូត្រផលិតបានចំនួន ០/៥ គក/វដ្តដង្កូវនាង នៅពេលចាប់ផ្តើមគម្រោង និងបាន ១ ទៅ ១/៦៥ គក/វដ្តដង្កូវនាង នៅពេលចប់គម្រោង) ហើយតម្លៃលក់ចេញក៏បានកើនឡើងផងដែរ (កើនឡើង ១៦%) ដូចនេះចំណូល របស់អ្នកទទួលផលកើនឡើង។ យុវជនឥតការងារធ្វើ នៅក្នុងឃុំគោលដៅចំនួន ២០០០ នាក់ បានទទួល វគ្គបណ្តុះបណ្តាលវិជ្ជាជីវៈផ្សេងៗ។ បន្ទាប់ពីបញ្ចប់វគ្គបណ្តុះបណ្តាលសិក្ខាកាមច្រើនជាង ៧០% មានការងារធ្វើ ដោយជាមធ្យមពួកគេទទួលបានកម្រៃពី ៣០ ទៅ ៨០ ដុល្លា ក្នុងមួយខែ។
លទ្ធផលទី៣-ការអភិវឌ្ឍសង្គមកិច្ច៖
សូចនាករទាំងអស់នៃកិច្ចសន្យានានាក្រោមលទ្ធផលនេះ (កាស្តារឡើងវិញនូវផ្លូវលំជនបទ ការផ្គត់ផ្គង់ទឹកស្អាត និងអនាម័យ ការសាងសង់សាលាប្រជុំសហគមន៍ នៅតាមភូមិ ការគាំទ្រដល់ក្រុមអង្គការសហគមន៍មូលដ្ឋាន និងសកម្មភាព បោសសម្អាតមីន ការយល់ដឹងអំពីសុខភាព យេនឌ័រ និងសុវត្ថិភាពដីធ្លី) សម្រេចបានទាំងស្រុង។ មានប្រជាពលរដ្ឋច្រើនជាង ២២០០០ នាក់ ទទួលបានផលប្រយោជន៍ពីផ្លូវដែលបានកែលម្អ។ ជាមធ្យមពួកគាត់ចំណេញពេលវេលា ១/៣ ក្នុងការធ្វើដំណើរទៅកាន់ទីផ្សារ ឬទីកន្លែងដ៏ទៃទៀត។ ដូចនេះ ពួកគាត់អាចយកពេលវេលាចំណេញនេះសម្រាប់សកម្មភាពសុខភាពអប់រំ និងសកម្មភាពសេដ្ឋកិច្ច និងសង្គកិច្ចដ៏ទៃទៀត។ ប្រជាពលរដ្ឋច្រើនជាង៨០០០ គ្រួសារទទួលបានសំណង់ និងសម្ភារៈទឹកស្អាត និងអនាម័យ។ សំណង់ សម្ភារៈទាំងនេះ ផ្តល់នូវប្រភពទឹកស្អាត និងអនាម័យដល់ប្រជាពលរដ្ឋប្រមាណ ៥០% នៅក្នុងភូមិគោលដៅទាំង ៩០ ភូមិ។ ប្រជាពលរដ្ឋច្រើនជាង ១០០០០ នាក់ អាចចូលកាន់កាប់ដីដែលបានដោះមីនរួចដោយសុវត្ថិភាព។ សាលាប្រជុំសហគមន៍ចំនួនមួយក្នុងមួយភូមិត្រូវបានសាងសង់ ដើម្បីជួបប្រជុំគ្នា និងដើម្បីបម្រើនៅក្នុងសកម្មភាពសង្គមផ្សេងទៀត។ អង្គការសហគមន៍មូលដ្ឋានចំនួន ៣៣៥ ត្រូវបានបង្កើតឡើង និងពង្រឹងសមត្ថភាព ដើម្បីធានាបាននូវនិរន្តភាពសកម្មអភិវឌ្ឍន៍សេដ្ឋកិច្ច និងសង្គមកិច្ច នៅក្នុងតំបន់គោលដៅគម្រោង។
សមិទ្ធផលសំខាន់ៗ
កសិកម្ម បសុសត្វជលផល
គម្រោងអេកូសនបានបណ្តុះបណ្តាលកសិករគំរូចំនួន ១៨០០ នាក់ ដោយកញ្ចប់មេរៀនផ្សព្វផ្សាយបច្ចេកទេសកសិកម្ម (Extension packages) ខុសៗគ្នាចំនួន ៣៧ កញ្ចប់។ កសិករគ្រូបង្គោលចំនួន ៦១៥ ត្រូវបានបណ្តុះបណ្តាល បូករួមជាមួយនឹងកសិករអ្នកទទួលផលផ្ទាល់ចំនួន ២០០០ នាក់ ផ្សេងទៀត។ អត្រាទទួលយកបច្ចេកទេសថ្មីគឺមានកម្រិតល្អ ៥២-៨០% (ស្រូវ ដំណាំខ្ពស់រាប សត្វចិញ្ចឹម និងបនែ្ល)។ ទិន្នផល(ស្រូវ និងបនែ្ល) កើនឡើងជាមធ្យម ៧០% ដែលជាកម្រិតមួយល្អបំផុត។ សត្វចិញ្ចឹមរបស់កសិករចំនួន ១២៥៥០ គ្រួសារត្រូវបានចាក់ថ្នាំបង្កាជំងឺ។ កសិករចំនួន ៣៤១ គ្រួសារបានទទួលការបណ្តុះបណ្តាលល និងគាំទ្រលើការចិញ្ចឹមត្រីក្នុងស្រះ និងក្នុងស្រែ ដែលអាចផលិត និងផ្គត់ផ្គង់ត្រីបានដល់ ៣៤ តោនក្នុងមូយឆ្នាំ។ គម្រោងអេកូសនក៏បានបណ្តុះបណ្តាល និងគាំទ្របង្កើតកន្លែងភ្ញាស់ និងបំប៉នកូនត្រីចំនួន ៣ កន្លែងដែលអាចផលិត និងផ្គត់ផ្គង់កូនត្រីប្រហែល ២ លានក្បាលក្នុងមួយឆ្នាំ។
តាមរយៈវិធីសាស្រ្តអភិវឌ្ឍជនបទចម្រុះទាំងបួនម៉ូឌុល (ម៉ូឌុលទី១-ស្រែអាស្រ័យទឹកភ្លៀង ម៉ូឌុលទី២-ស្រែមានប្រព័ន្ធ ស្រោចស្រព ម៉ូឌុលទី៣-ដំណាំខ្ពង់រាប និងឈើហូបផ្លែ និងម៉ូឌុលទី៤-បន្លែ) ការបណ្តុះបណ្តាលត្រូវបានផ្តល់យ៉ាងគ្រប់គ្រាន់ ហើយសម្ភារៈផ្សព្វផ្សាយ និងសម្ភារៈផលិតកម្មក៏ត្រូវបានផ្តល់ជូនផងដែរ។ ការស្រាវជ្រាវពីភាពសមស្រប ត្រូវបានធ្វើ នៅលើទីតាំងធ្វើបង្ហាញ សម្ភារៈដាំដុះល្អៗត្រូវបានផ្តល់ឲ្យប្រើប្រាស់ ដែលទាំងអស់នេះរួមបញ្ចូលកម្មវិធីកសាង សមត្ថភាពដល់បុគ្គលិករបស់មន្ទីកសិកម្មផងដែរ។
កាលានុវត្តសេដ្ឋកិច្ច និងឱកាសការងារ
គម្រោងអេកូសនបានផ្តល់ការបណ្តុះបណ្តាលវិជ្ជាជីវៈដល់យុវជនចំនួន ១៩២០ នាក់ និងបណ្តុះបណា្តលដល់អ្នកចិញ្ចឹម ដង្កូវនាង ២២៩ នាក់ អ្នកតម្បាញសូត្រ ១០៦ នាក់ និងប្រធានក្រុមផលិតកម្ម ៤២ នាក់។ ប្រជាពលរដ្ឋចំនួន ១០៥៧ នាក់ បានទទួលការបណ្តុះបណ្តាលលើមុខជំនាញកែច្នៃត្រី។ សាខាស្ថាប័នមីក្រូហិរញ្ញវត្ថុចំនួន ១៦ ការិយាល័យ ត្រូវបានបង្កើត ដើម្បីបម្រើសេវាហិរញ្ញវត្ថុដល់អតិថិជនខ្ចីបានជាង ១០០០០ នាក់ និងទទួលអតិថិជនសន្សំ ៦០០០ នាក់។ ការភ្ជាប់ទំនាក់ទំនងទីផ្សារដល់ក្រុមអ្នកផលិតបន្លែ ២ ក្រុម ត្រូវបានគាំទ្រ ហើយព័ត៌មានទីផ្សារត្រូវបានផ្សព្វផ្សាយ។ ក្រុមប្រឹក្សាឃុំទាំង ៤០ ឃុំគោលដៅបានទទួលការបណ្តុះបណ្តាលអំពីការបញ្ចូលវគ្គបណ្តុះបណ្តាលវិជ្ជាជីវៈទៅក្នុងផែនការ និងគម្រោងមូលនិធិឃុំ នៅពេលអនាគត។
សកម្មភាពក្នុងកិច្ចសន្យាពាក់ព័ន្ធនីមួយៗ ផ្តោតទៅលើការបង្កើតឱកាសការងារក្រៅកសិកម្ម។ អ្នកទទួលផល ៣០% នៃអ្នទទួលផលទាំងអស់ នៅក្នុងផ្នែកនេះអាចរកចំណូលពីរបរក្រៅកសិកម្ម ៣០ ទៅ ៦០ ដុល្លា ក្នុងមួយខែ។ កម្ចីជាមធ្យមដែលបានផ្តល់ឲ្យមានចំនួន ២៥០ ដុល្លា/ខែ/ម្នាក់ និងបរិមាណសន្សំជាមធ្យមគឺ ០/៥ដុល្លា/ខែ/ម្នាក់។
យេនឌ័រ និងការបង្កើនអំណាចសហគមន៍
ក្រុមការងារបច្ចេកទេសយេនឌ័រអន្តរមន្ទីចំនួន ៣ (សមាជិក ៤២ នាក់) គាំទ្រថវិកាដោយគម្រោងអេកូសន ត្រូវបានបង្កើត និងដំណើរការ ក្នុងខេត្តគោលដៅទាំងបី។ បញ្ហាយេនឌ័រត្រូវបានផ្សព្វផ្សាយ តាយរយៈក្រុមការងារទាំងនេះ ៖ ព្រឹតិ្តបត្រចំនួន ១៥០០ ច្បាប់ ការផ្សព្វផ្សាយតាមវិទ្យុចំនួន ៤០ លើក យុទ្ធនាការពាក់បូពណ៌ស (ស្តីពីអំពើហិង្សាក្នុងគ្រួសារ) និងព្រឹត្តិការណ៍ នៃទិវាសិទ្ធិនារី ដោយមានអ្នកចូលរួមរហូតដល់ ២៣០០ នាក់។ កម្មវិធីលើកកម្ពស់អក្ខរកម្មដល់មនុស្សពេញវ័យចំនួន ១៤១០ នាក់ (ស្រ្តី៨០%) និងកម្មវិធីថ្នាក់មតេ្តយ្យសម្រាប់កុមារតូច ៧៣៩ នាក់ (កុមារី ៣៨៦) ត្រូវបានអនុវត្ត។ ប្រជាជនសរុបប្រហែល ៥០០០០ នាក់ បានយល់ដឹងអំពីការអប់រំថែទាំសុខភាព តាមរយៈមណ្ឌលសុខភាពចំនួន ១៤៦ និងអ្នកស្ម័គ្រភូមិ ១៨១ នាក់។ រថយន្តផ្សព្វផ្សាយអប់រំចល័តរបស់គម្រោងអេកូសន បានចុះតាមភូមិគោលដៅ ផ្សព្វផ្សាយអប់រំចម្រុះ។
សកម្មភាពទាំងអស់ នៅក្នុងផ្នែកនេះសុទ្ធតែបានផ្តោតទៅលើការកសាងសមត្ថភាពផ្នែកជំនាញ រចនាសម្ព័ន្ធ បច្ចេកទេស និងសង្គមកិច្ច។ សមាជិកគណៈកម្មការសម្របសម្រួលគម្រោងថា្នក់ឃុំ ដែលជាអនុគណៈកម្មការមួយរបស់កុ្រមប្រឹក្សាឃុំ ទទួលបន្ទុកការងារគម្រោងអេកូសន គឺជាបេះដូងនៃវិធីសាស្រ្តពង្រឹងអំណាចសហគមន៍ និងគាំទ្រយ៉ាងខ្លាងំក្លា ដល់យុទ្ធសាស្រ្តវិមជ្ឈការ និងវិហសមជ្ឈការរបស់រាជរដ្ឋាភិបាលកម្ពុជា។ តាមរយៈការរៀបចំប្រជុំកសាងផែនការភូមិ/ឃុំ ជាមួយសហគមន៍ សិក្ខាសាលាសមាហរណកម្មថា្នក់ស្រុកចំនួន ៤២ លើក សិក្ខាសលាកសាងសមត្ថភាព ដល់គណៈកម្មការសម្របសម្រួលគម្រោងថ្នាក់ឃុំ ៨លើក និងការប្រជុំបង្កើនការយល់ដឹងយេនឌ័រនៅតាមភូមិ ៩០ លើក វិធីសាស្រ្តពង្រឹងអំណាចសហគមន៍របស់គម្រោងអេកូសនបានបង្ហាញឲ្យឃើញយ៉ាងជាក់ស្តែង និងក្លាយជាទម្លាប់មួយ។មានអង្គការហសគមន៍មូលដ្ឋានច្រើនជាង ២៦០ ត្រូវបានបង្កើតឡើងដោយអ្នកម៉ៅការនីមួយៗ នៅពេលអនុវត្តគម្រោង ដែលបច្ចុប្បន្នកំពុងដំណើរការពង្រឹងស្ថាប័ន។
ការអិភិវឌ្ឍហេដ្ឋារចនាសម្ព័ន្ធជនបទ និងហេដ្ឋរចនាសម្ព័ន្ធនៅមូលដ្ឋានដ៏ទៃទៀត
គោលដៅសាងសង់ផ្លូវប្រវែង ១៥៥គម បានសម្រេចជាស្ថាពរតភ្ជាប់ភូមិចំនួន ១៤៣ និងប្រជាជន ២២>២៥២ គ្រួសារ។ បង្គន់អនាម័យ ៦៦៩៤ ត្រូវបានសាងសង់ដើម្បីអនាម័យ ពាងយក្ស ១៣០៩ ត្រូវបានកសាងឡើង អណ្តូងចំនួន ១៤២ និងស្រះសហគមន៍ចំនួន ១០ ត្រូវបានជីក ដើម្បីផ្គត់ផ្គង់ទឹកស្អាត។ ប្រព័ន្ធធារាសាស្រ្តចំនួន ៨ ក្នុងចំណោម ៩ ត្រូវបានសាងសង់ចប់សព្វគ្រប់ ប្រព័ន្ធមួយត្រូវបានសមាហរណកម្មចូលជាមួយគម្រោងប្លង់មេរបស់ក្រសួងធនធានទឹក និងឧតុនិយម។ ប្រព័ន្ធ ៨ ដែលបានចប់ជាស្ថាពរមានសក្តានុពលស្រោចស្រពលើផ្ទៃដីកសិកម្មប្រហែល ២៦០០ ហត។ មានប្រព័ន្ធធារាសាស្រ្តមួយករណីមានកំហុសក្នុងការវាយតំលៃលំហូរទឹកជាក់ស្តែងទាមទារឲ្យមានវិធានការកែតម្រូវ ហើយដែលនឹងអនុវត្តដោយគម្រោងសុវត្ថិភាពស្បៀង EU¼FAO នៅឆ្នាំ២០១១។
ចំណុចផ្តោតខ្លាំងគឺ ប្រតិបតិ្តការ និងថែទាំងសំណង់នានាដែលបានសាងសង់រួច។ កសិករច្រើនជាង ៣០០ នាក់ ត្រូវបានបណ្តុះបណ្តាលលើបែបបទតំហែទាំ និងប្រតិបត្តិតាមរចនាសម្ព័ន្ធ និងអនុវត្តជាក់សែ្តង ដែលចូលរួមដោយ ក្រុមកសិករ អ្នកប្រើប្រាស់ទឹកចំនួន ៨៦ សហគមន៍។ កសិករចំនួន ២៤០ នៅក្នុងគណៈកម្មការថែទាំផ្លូវលំជនបទចំនួន ២៤ ក្រុមទទួលបានការបណ្តុះបណ្តាល ដើម្បីធានានូវតំហែទាំងផ្លូវមូលដ្ឋាន ក្រោយពីខែធ្នូ ឆ្នាំ២០១០។ អ្នកភូមិ ៣៥០០ នាក់ ត្រូវបានបណ្តុះបណ្តាលអំពីបញ្ហាអនាម័យមូលដ្ឋាន តាមរយៈកិច្ចសន្យាផ្គត់ផ្គង់ទឹកស្អាត និងអនាម័យ។
ការប្រើប្រាស់ផ្លូវលំគ្មានការអនុវញ្ញាត និងការធ្វើឲ្យផ្លូវខូច ដោយរថយន្តផ្ទុកលើសទម្ងន់ និងរថយន្តមិនសមស្រប នៅតែជាបញ្ហាធ្ងន់ធ្ងរ និងយូរអង្វែង ចំពោះនិរន្តភាពការវិនិយោគលើវិស័យនេះ។
ការកាន់កាប់ និងប្រើប្រាស់ដីធ្លីប្រកបដោយសុវត្ថិភាព
គោលដៅរូបវ័ន្តនៃផ្នែកនេះសម្រេចបានទាំងស្រុង (ការបាសសម្អាតមីន ការផ្តល់ប័ណ្ណកម្មសិទ្ធិដីធ្លី ការអភិវឌ្ឍកម្មសិក្សា និងការបង្កើនការយល់ដឹងសាធារណៈ)។ ផ្ទៃដីចំនួន ៤៦៣ ហត ត្រូវបានដោះមីនរួចហើយបានប្រគល់ជូនកសិករចំនួន ១៣០៩ គ្រួសារ និងមានប្រជាពលរដ្ឋចំនួន ៨៤៨៤ គ្រួសារទៀតទទួលផលមិនបាន ផ្ទាល់ពីដីដែលបាន បោសសម្អាតមីនរួចនេះ។ ប័ណ្ណកម្មសិទ្ធិចំនួន ៤២២១៤ ក្បាលដីត្រូវបានប្រគល់ជូនម្ចាស់ដី នៅក្នុងភូមិចំនួន ៤៣ នៃឃុំគោលដៅគម្រោង។ កម្មវិធីសិក្សាស្តីពីសុវត្ថិភាពដីធ្លីគឺជា សកម្មភាពកំពុងបន្ត ហើយមកដល់ពេលនេះ ត្រូវបានដាក់ឲ្យបង្រៀន នៅក្នុងសាលាចំនួន ៤៣ ដល់សិស្ស ២០៦៥១ នាក់ (ស្រី ១០៧០០នាក់)។ ការបណ្តុះបណ្តាលវិជ្ជាជីវៈមិនផ្លូវការត្រូវបានផ្តល់ដល់ជនរងគ្រោះដោយគ្រាប់មីនចំនួន ២០០ នាក់ ហើយយុទ្ធនាការលើក កម្ពស់ការយល់ដឹងសាធារណៈមានចំនួន ៤៧ ព្រឹតិ្តការណ៍ នៅតាមបណ្តាភូមិ និងមានការផ្សព្វផ្សាយតាមវិទ្យុចំនួន ១០៧ ម៉ោង។
គម្រោងបានភ្ជាប់ទំនាក់ទំនងការអភិវឌ្ឍជនបទ ទៅនឹងសកម្មភាពមីនប្រកបដោយជោគជ័យ។ អ្នកទទួលម៉ៅការទាំងអស់ នៃផ្នែកនេះបានបង្ហាញឲ្យឃើញពីការអនុវត្តបានល្អ និងធានាថា ដីគឺជាប្រធានបទស្នូលមួយនៅភូមិគោលដៅ នៅអំឡុងពេលអនុវត្តគម្រោង។ មានជម្រើសជាច្រើនគួឲ្យចាប់អារម្មណ៍សម្រាប់ឲ្យអ្នកម៉ៅការទាំងអស់យកតម្រាប់តាម ឬចម្លងតាមនូវសកម្មភាពទាំងនេះទៅអនុវត្តក្រៅគោលដៅគម្រោងអេកូសន បន្ទាប់ពីឆ្នាំ២០១០។
មួយក្រឡេកអំពីគំរោង អេកូសន
